Ditari 7 Minutësh

Valentina Rexhaj

Mjafton t’i ndani vetëm 7 minuta në ditë që gradualisht të bëni ndryshime të mëdha pozitive në jetën tuaj. Vetëm disa minuta shkrim në mëngjes në Ditarin 7 Minutësh do të jua ndryshojnë fokusin, e dalëngadalë personin që jeni, e kështu jetën. Nëse nuk keni rutinë mëngjesi, atëherë nuk keni jetë. Ky ditar është një transformues, ju dërgon qëllimisht në lirimin e dopaminës në tru dhe me mëngjes do të filloni një ditë pozitive. Kështu me mëngjes do të keni mundësi t’i mbushni bateritë me energji pozitive. Falënderimi dhe shkrimi i 5 gjërave pozitive që ju i bëni gjatë ditës, do t’i rrisë të mirat në jetën tuaj, do të filloni ta doni veten, të shihni të mira në vete, e mbi të gjitha do të vetëdijesoheni më shumë dhe të fitoni vetëbesim… e kështu do të bëheni më të suksesshëm, sepse në jetë gjithçka na vjen paralel me vetëbesimin që krijojmë. Në fund të javës do të reflektoni se çfarë keni bërë gjatë javës dhe do t’u përgjigjeni disa pyetjeve që ju shtyjnë më tutje në jetë. Shkrimin e realitetit nuk e merr ta punojë askush në këtë libër nëse nuk ka një drejtim se nga të shkojë dhe një qëllim pse të shkojë. Ju mund ta bëni për ta përmirësuar veten, por prapëseprapë ju nevojitet një pikëndalesë, një hartë se ku doni të shkoni. Shkrimi i realitetit ashtu siç doni ta jetoni për një ditë ju ndihmon të keni pamje se çka doni të arrini për një vit. Mund ta shkruani edhe për 3 vjet përpara. Shkruani një fillim dite sikurse jeni duke jetuar. Duhet të jetë në tash e shkruar dhe me të gjitha ato që dëshironi t’i arrini sikurse i keni arritur. Kur shkruani, mos shkruani pak, sepse ju mateni me atë që mendoni se mundeni tani. Ky ditar do të ju transformojë dhe në fund të vitit do të keni më shumë vetëbesim, do të bëni më shumë me jetën tuaj, me ato që doni dhe do të arrini më shumë rezultate. Ne çdo ditë flasim me vete, pra dialogu ynë i brendshëm është i bazuar nga bindjet që kemi në program. Ky ditar do të ju ndihmojë t’i ndryshoni këto bindje, këto mendime negative. Duke pasur me vete, do të ju ndihmojë të fitoni vetëbesim dhe vetëdashuri. Valentina Rexhaj

49 in stock